علق الإعلامي عمرو أديب، على الأحداث الأخيرة التي وقعت للفنانة شيرين عبد الوهاب، وأبرزها قيام شقيقها بإدخالها المستشفى للعلاج من الإدمان.
وعقب عمرو أديب على مداخلة شقيق شيرين عبد الوهاب معه قائلًا: “رأيي إن شيرين ممكن في أي لحظة تنتحر وتنتهي، اللي يوصل للمرحلة دي وارد جدًا إننا نقوم في يوم مانلاقيهاش، أنا ماعرفش مين السبب لكن إحنا بنتكلم على ثروة في مصر”.
وتابع: “واضح جدًا إن من كتر ما كل واحد بيشدها ناحيته سِنة هيقطعوها، من كتر شدها هتتقطع، شيرين بتضيع يا جماعة إذا ماكانتش ضاعت فعلًا، المعلومات اللي بتقولها والدتها وأخوها لو حقيقية إحنا قدام حاجة مرعبة، ولو هو مدخلها المستشفى من 3 أيام وماخرجتش لغاية دلوقتي يبقى في سبب لأن مايش مستشفى تقدر تحتجز حد”.
عمرو أديب: هل هذه نهاية شيرين عبد الوهاب؟
واستطرد: “الناس واقفين ليها تحت يقولولها يا شيرين وهي تشاورلهم من فوق، لو مافيش حاجة هتنزل تفتح الباب وتمشي، لكن إنها مش قادرة تخرج من المستشفى كمان ده موضوع غريب جدًا لا يمكن تصديقه إلا أن شيرين عندها مشكلة فعلًا”.
وتساءل عمرو أديب: “فين النقابة، فين المحاميين، لازم في جهة ما تقدر تفهم إيه الحكاية، كإنسانة مش كمطربة، إيه اللي بيجرالها، هل في حد بيضرها فعلًا؟ هل دي نهاية شيرين عبد الوهاب؟”.